Andaya Highway: An Dai Matapos tapos na Kalbaryo, I-epalan pa nin mga Trapo

-
Andaya Highway: An Dai Matapos tapos na Kalbaryo, I-epalan pa nin mga Trapo
SIMPLENG DUON
ni: Maestro Nel Adtoon

Bako nang bago sa pandangog kan mga Bicolanong biyahero an reklamong "palpak" na tinampo sa Andaya Highway. Bilang pangenot na gateway kan satuyang rehiyon pasiring sa Manila, an Maharlika Highway—partikularmente an parte kan Del Gallego sagkod Ragay—tila naging sarong "permanenteng construction site." Pero an dakulang hapot kan publiko: Nata ta sige an tapal, pirmi man giraray ruloho?

Dakul na an nag-agi na administrasyon, dakul na bilyon na an nagamit na pondo, pero an agom kan mga driver asin pasahero iyo man giraray: lubak-lubak, laboy pag-uuran, asin delikadong "bituka kan manok" na tinampo. Sa ibong kan daing katapusan na "road repair" asin re-blocking, an resulta tila pampatambak sana nin pondo na dai man namamatian an dekalidad na resulta. Ini bakong simpleng isyu sana nin trapiko; ini isyu nin seguridad asin pag-uswag kan satong rehiyon.

Sa tahaw kaining kontrobersya, saro sa mga prominenteng boses na nagtao nin perspektibo iyo dating Congressman Joey Salceda. Segun ki Salceda “Habang inaayos natin ang aspalto, huwag nating kalimutan ang riles. Upang tunay na mabigyang-pugay ang legasiya ni Rolando Andaya Sr., dapat nating ibigay sa kanyang mga nasasakupan ang pangakong binitawan 40 taon na ang nakararaan: isang kalsadang matibay at isang tren na tumatakbo.”

Kun tutuoson Igwang puntong maninigo nanggad na hilingon digdi. An problema sa Andaya Highway bako sana sa aspalto; ini isyu man nin overload. Kun igwa kitang epektibong riles o tren (Bicol Express), an gabat kan mga truck na naggigikan sa Manila pasiring sa Visayas asin Mindanao mapapahali sa tinampo. Saro sa mga solusyon para magtagal an satuyang mga tinampo.

An legasiya ni dating Congressman Rolando Andaya Sr., na iyo an naging instrumento tanganing mabuksan an dalan na ini, maninigong tawan-dangal sa paagi kan sarong serbisyong dai madaling magaba. Dai maninigo na an pangaran niya masabit sa sarong tinampong "palpak" o paboritong reparohon kan DPWH.

Tama man si dating Congressman Joey Salceda alagad hudyan na! An kahapotan kan mga bicolano nata ta ngunyan sana?
An pagsabal sabal ni Salceda nagtatao nin kahapotan sa mga bicolano kung talagang seryoso baya talaga siya sa pagserbisyo o nagpapa "Epal" sana man?

An kahapotan na nata ta ngunyan sana siya nagkukurahaw na kun tutuoson haloy siyang kuminapot nin mga posisyon sa gobyerno na pwede kuta nang magresolba kan kalbaryo kan mga bicolano kun talagang siya seryoso.

Kinapotan niya an poderosong Chairmanship kan House Committee on Appropriations poon 2006 hanggang 2007. 9 na taon man bilang Congressman kan 3rd District kan Albay (1998-2007), Naging gobernador kan Albay sa laog nin 9 na taon (2007-2016), naging congressman nin 9 na taon sa 2nd District kan Albay (2016-2025). Nagsirbi nin 9 na taon bilang RDC Chairman, Idagdag pa ang tulong taon na Chairmanship sa parehong poderosong House Committee on Appropriations kan saiyang Kaalyadong si Zaldy Co.

Halos apat na dekadang dapat kuta na inasikaso na niya asin kan saiyang mga kaalyado, apat na dekada na man na nagdudusa an mga bicolano sa pasakit kan tinampong saiya nang binanggit na dapat tawan nin aksyon asin kongkreto asin permanenteng solusyon.

Napapahapot lugod ako, sa laog ki mga panahon na ito nata dae niya naisipan iyan kan siya nakatukaw? Nata ta ngunyan kun nuarin ponagtatawan na nin aksyon kan gobyerno saka man siya masabay sa agos? Tunay ba talagang nagpapaepal sana man si Salceda? Pagiristoryahan ta, pacomment daw kan saindong mga saloobin sa bagay na ini.

Sa mga oras na ini kun ako an hahapoton an kaipuhan kan mga Bicolano bako nang "band-aid solution", bako nang pagpa "Epal", bako nang pag "ride on", bako papogi lalo kada maabot an eleksyon. An kaipuhan ta iyo an integridad sa pag-construher nin pangmatagalan asin permanenteng solusyon.

Apat na dekada na an nakaagi. Panahon na tanganing itao sa mga Bicolano an ginhawa sa pag-agi sa saiyang sadiring tinampo, panahon na na an Andaya Highway magin simbolo nin tunay na progreso, bako nin kalbaryo na tila wara nang katapusan.

###

DISCLAIMER:
Bukas an Simpleng Duon sa ano man na komento, reaksyon, impormasyon maging hale man sa publiko o sa mga nabanggit na pangaran o imbuwelto sa isyu. Mag email sa maestroneladtoon@gmail.com or bicolnettv@gmail.com.

Comments

Post a Comment

Popular posts from this blog

Tragedy Strikes: 11 Dead in UV Express Accident on Nabua-Legazpi Route

-
Image
Camalig, Albay – A devastating accident has claimed the lives of 11 out of 13 passengers aboard a UV Express van traveling from Nabua to Legazpi. The tragic news was confirmed at 5:00 PM today, plunging the municipality into deep mourning. Authorities are working diligently to identify the victims, some of whom were found without identification.   The Philippine National Police (PNP) Nabua, led by PLTCOL Dominic Borigas, has been coordinating closely with PNP Camalig since the early afternoon to manage the situation. Their efforts are focused on the proper identification of the deceased and ensuring immediate support is provided to the grieving families. The incident has left families facing unimaginable loss, with the community uniting in grief and support.   In the wake of the tragedy, the Municipal Government has expressed its heartfelt gratitude to the Provincial Government of Albay, the Municipal Government of Camalig led by Mayor Caloy Baldo, the Bureau of Fire P...
Read more

Heartbreaking Final Vows: Love Ends in Tragedy in Camalig Crash

-
Image
  In a heartbreaking turn of events, the families of the young couple who perished in the tragic road accident in Camalig, Albay, have chosen to proceed with their wedding despite the devastating loss. The couple, from Nabua, Camarines Sur, was on their way to Legazpi to obtain a CENOMAR—their required document for their planned December wedding—when their journey was cut short in a fatal crash.   The accident, which claimed the lives of the couple and left their families in profound grief, has become a poignant reminder of love’s fragility. The young lovers’ final moments were meant to mark the beginning of their shared future, but instead, their story ended in a tragic and emotional climax. Their families, however, decided to honor their love by proceeding with the wedding plans, not as a celebration, but as a tribute to the bond that was meant to be.   Amidst the sorrow, the families gathered to pay their last respects, choosing to celebrate the love that t...
Read more

SI SALCEDA, SI CO, SI BONGALON ASIN AN KONTROBERSIYA SA 2024 BUDGET

-
Image
SI SALCEDA, SI CO, SI BONGALON ASIN AN KONTROBERSIYA SA 2024 BUDGET SIMPLENG DUON Ni: Nel Adtoon An kontrobersya sa 2024 badyet nagpapaheling nin importansiya kan pagkakasuway kan katotohanan asin kan pagdududa, pati na ang mga kaluyahan sa proseso kan paggibu asin pagpasar kan badyet para sa masunod na taon kan bilog na nasyon. Bagaman malinaw na pinagdideny ni Salceda na wara siyang kinaraman sa insertions sa mga probisyon sa badyet kan 2024, ang katotohanan na ang saiyang ideya kan taong 2023 naging batayan kan sarong probisyong pinagbasehan kan Korte Suprema bilang suway sa konstitusyon siertong nagpapaheling nin importansiya kan mas mahigot na pagaadal asin konsultasyon sa gabos na pinagaagihan kan sarong lehislasyon.  Malinaw an binuwian na tataramon ni Ex-Justice Carpio na siya an utak kan nangyaring iregularidad sa badyet kan 2024. Mas pinakusog pa ini kan dae pwedeng ideny na political allies niya an nakatukaw na Appropriation Chairman na si Zaldy Co as...
Read more